Charter Document - 02561069
| Charter Number: | 02561069 |
|---|---|
| Cartulary Title: | Reading Abbey Cartularies |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1170 - 1181 |
| Date type: | Assigned |
| Resource Link(s): |
British Library - Egerton MS 3031 (f36v,p76) |
Charter:
Sciant presentes et futuri quod ego Hugo de Mortuo Mari dedi et concessi deo et sancte Marie de Radinges et abbati et monachis ibidem deo servientibus in perpetuam elemosinam liberam et quietam ab omni servitio terreno cum corpore meo pro salute anime mee et anime patris mei et omnium predecessorum meorum et successorum meorum totam terram Godwini de la Torne quam de me tenuit in Stratfeld et totam terram Ricardi de la Torne in Stratfeld et totam terram Turstani de la Scete et totam terram Alfrici de la Scete in Stratfeld et totam terram Iohannis Eilaf in Stratfeld Omnes istas terras dedi et concessi prefate ecclesie cum omnibus pertinentiis suis in bosco in plano in pratis et pascuis et aliis pertinentiis Dedi etiam et concessi prefate ecclesie omnia prata mea de la Redmed in Stratfeld et totum boscum meum de la Torne et totam partem meam in molendino de Wordia et totum redditum meum de Wintonia infra burgum Ut autem hec donatio mea firma in perpetuum perseveret eandem sigilli mei munimine confirmavi His testibus Rogero capellano de Stratfeld Simone de Sancto Laurentio Radulfo de Vilers Reginaldo Camberlano Roberto de Nene Amis de Peletot Iohanne de Catainne Iohanne de Cellario Helia de Mora