Charter Document - 02561068
| Charter Number: | 02561068 |
|---|---|
| Cartulary Title: | Reading Abbey Cartularies |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1170 - 1173 |
| Date type: | Assigned |
| Resource Link(s): |
British Library - Egerton MS 3031 (f23r,p49) |
Charter:
Henricus rex Anglie et dux Normannie et Aquitanie et comes Andegavie archiepiscopis episcopis comitibus et baronibus iustic[iariis] et vicecomitibus et omnibus ministris et fidelibus suis Anglie et Normannie salutem Sciatis me concessisse et presenti carta confirmasse Hugoni filio Hugonis de Mortuo Mari Wordiam et Estratfeld cum pertinentiis suis que sunt in Anglia et Sanctum Richerum cum pertinentiis suis scilicet Dancurt et Prusevilla que sunt in Normannie quas terras Hugo de Mortuo Mari dedit eidem Hugoni filio suo pro homagio et servitio suo sibi et heredibus suis tenend[as] de eo et heredibus suis in feodo et hereditate per servitium determinatum in carta patris sui Quare volo et firmiter precipio quod predictus filius Hugonis de Mortuo Mari et heredes sui post eum habeant et teneant prenominatas terras cum omnibus pertinentiis suis in bosco et plano in pratis et pasturis in aquis et molendinis in viis et semitis et in omnibus aliis locis et aliis rebus ad easdem pertinentibus ita bene et in pace et libere et quiete et plenaria et honorifice sicut Hugo de Mortuo Mari pater suus ei dedit et carta sua confirmavit Testibus G[alfredo] archidiacono Cant[uariensi] Ricardo archidiacono Pictav[ensi] comite W[illelmo] de Aubemara comite W[illelmo] de Mand[evilla] Ricardo de Luci Ricardo de Hum[eto] const[abulario] Reginaldo de Curtenai Willelmo de Albineio Reginaldo de Pavilli Hugone de Creissi Roberto de Mortuo M[ari] Waltero de Dunst[anvilla] Apud Gloec[estriam]