Charter Document - 02561056
| Charter Number: | 02561056 |
|---|---|
| Cartulary Title: | Reading Abbey Cartularies |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1219 |
| Date type: | Assigned |
| Resource Link(s): |
British Library - Egerton MS 3031 (f100r,p203) |
Charter:
Sciant presentes et futuri quod ego Ysabela comitissa de Penbroc assensu et consilio Willelmi Marescalli filii mei primogeniti pro anima nobilis viri domini mei Willelmi Marescalli comitis Penbroc et pro salute anime mee et Willelmi filii mei comitis Penbroc et aliorum liberorum meorum et pro salvacione omnium antecessorum meorum et successorum dedi et concessi et hac presenti carta mea confirmavi deo et beate Marie et beatis apostolis Johanni et Jacobo et abbati et conventui de Rading[ia] in liberam puram et perpetuam elemosinam totam purpresturam quam dominus meus fecit purprestare in Fuelmaresfeld cum pastura que est in eadem purprestura et illam purpresturam que apellatur Crockerescrundele ex utraque parte vie que tendit versus Hanleiam et sicut alia via que extendit versus Roderesfeld et fossata undique predictam purpresturam includunt habendam et tenendam cum omnibus pertinenciis et libertatibus suis in perpetuum Dedi etiam et concessi eisdem octo solidatos redditus quos Rog[erus] Venator solebat reddere domino meo annuatim ad duos terminos scilicet ad festum sancti Michaelis quatuor solidos et ad Pascha quatuor solidos de terra quam idem Rog[erus] de domino meo tenuit habendos et recipiendos predictis abbati et conventui a predicto Rog[ero] vel ab eo qui terram predictam tenuerit in perpetuum Concessi etiam quod si predictus Rog[erus] vel aliquis successorum suorum qui terram predictam tenuerit dictos octo solidos ad terminos statutos non reddiderit liceat abbati et conventui predictum Rogerum vel suos successores namia sua capiendo ad solucionem distringere Preterea dedi et concessi eisdem abbati et conventui insulam que vocatur Horseiat cum omnibus pertinenciis et libertatibus suis Habenda et tenenda omnia predicta libere et quiete integre et plenaria in liberam puram et perpetuam elemosinam absque omni retene mento et absque omni exactione et demanda que eis ab aliquo mortali inde fieri possit Hiis testibus Ricardo Marescallo Henrico filio Geroldi Johanne de Herlega Johanne filio eiusdem Willelmo de Leg domino Ph[ilippo] clerico et multis aliis