Charter Document - 02561052
| Charter Number: | 02561052 |
|---|---|
| Cartulary Title: | Reading Abbey Cartularies |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1200 - 1238 |
| Date type: | Assigned |
| Resource Link(s): |
British Library - Egerton MS 3031 (f80r,p163) |
Charter:
Sciant presentes et futuri quod ego Thomas de Herwardesleg dedi concessi et hac presenti carta mea confirmavi deo et beate Marie de Rading[ia] et conventui eiusdem loci in puram liberam et perpetuam elemosinam totam terram cum pertinenciis quam Walt[erus] de Hakesled de me tenuit Habendam et tenendam de me et heredibus meis in perpetuum in puram et perpetuam elemosinam quietam ab omni servicio seculari exactione et demanda que a me vel a meis heredibus unquam inde fieri possit Pro hac autem donacione et carte mee confirmacione remiserunt mihi abbas et conventus et heredibus meis de redditu meo annuo vii solidos et decem denarios Dederunt etiam mihi dicti abbas et conventus viginti solidos in gersoma ad iter meum in transmarinis partibus peragendum ad Sanctum Jacobum pro anima patris mei Et ut hec mea donacio et concessio rata et stabilis perseveret presenti scripto sigillum meum apposui Hiis testibus []