Charter Document - 02560934
| Charter Number: | 02560934 |
|---|---|
| Cartulary Title: | Reading Abbey Cartularies |
| Charter Language: | Latin |
| Charter Origin: | Lay |
| Charter Type(s): | Will |
| Date: | 1311 |
| Date type: | Internal, A.D., Feast |
| Resource Link(s): |
|
Charter:
In dei nomine amen Ego Alanus de Bannebury condo testamentum meum die jovis proxima post festum Omnium Sanctorum anno domini MCCCXI In primis lego animam meam deo omnipotenti beate Marie et omnibus sanctis et corpus meum ad sepeliendum in cimiterio Sancti Laurentii Radyng[ie] Item lego fabrice Sar[esburie] vi denarios Item hospitali de Crowemersch vi denarios Item in pane ad distribuendum pauperibus die sepulture mee x solidos Item lego ad exequies faciend[as] xii solidos Item in cervisia emenda et danda nocte vigilant[ibus] circa corpus meum xii denarios Item operi fratrum minorum Rad[yngie] v solidos Item duobus pueris Elie fratris mei ii solidos Item Alicie filie ux[oris] Alani predicti xii denarios Item Johannea uxori Roberti de Hampton xii denarios Item Roberto de Hampton xii denarios Item Ricardo de Asschebourn ii solidos Item Johanni le Cave ii solidos Item vicario Sancti Laurentii ii solidos Item cuilibet altari in ecclesia sancti Laurentii iii denarios Item altari beate Marie in ecclesia sancti Laurentii xii denarios Item lego Christine uxori mee quinque solidatas annui redditus in vico London percipiendas ad duos anni terminos de quodam tenemento quod quidem tenementum Thomas Hubert quondam tenuit de dicto Alano Item Johanni le Cave de Bleobury capellam meam integram scitam apud Totehull in perpetuum Item lego Christine uxori mee et Margar[ie] filie mee omnia bona mea existencia in predicta capella die quo moriar Item lego Margerie filie mee iii solidos iiii denarios annui redditus quos solebam recipere de Ricardo de Stratfeld ad terminum sancti Michaelis in alto vico Radyng[ie] Item lego Margerie predicte iiii acras terre arrabilis in campo qui dicitur Northfeld quas quidem iiii acras terre cepi cum matre sua in maritagium nomine pecunie Item lego integre tenementum meum in quo sedeo cum pertinentiis Christine uxori mee omnibus diebus vite sue defuncta autem dicta Christina volo quod dictum tenementum cum pertinentiis suis integre revertatur Margerie filie mee Item lego medietatem eris mei Christine uxori mee et aliam medietatem Margerie filie mee Siquid autem bonorum meorum residuum fuerit non legatum volo et concedo quod remaneat integre Christine uxori mee et Margerie filie mee Huius autem testamenti ad hanc execucionem fideliter et indilate faciendam constituo et ordino Ricardum de Assheburn et Johannem le Cave de Bleobury executores meos prout melius viderint anime mee expedire Item lego Agneti famule mee xii denarios Item volo et concedo quod dictus Johannes de Bleobury habeat et custodiat Margeriam filiam meam cum omnibus catallis suis post diem meum tam cum omnibus reditibus sibid iure hereditario et ex legacione Alani patris sui accidentibus quam cum aliis bonis suis sibid pertinentibus quousque pervenerit ad annos nubiles et postea maritetur per consilium et auxilium dicti Johannis cum propriis catallis suis quamcicius dictus Johannes viderit dicte Margerie expedire In cuius rei testimonium hoc presens testamentum meum sigilli mei impressione roboravi die et anno supradictis Item lego Christine uxori mee Robertum servientem nostrum cum suo servicio quousque termini inter ipsum et me statuti perseverant