Charter Document - 02560933
| Charter Number: | 02560933 |
|---|---|
| Cartulary Title: | Reading Abbey Cartularies |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1216 - 1249 |
| Date type: | Assigned |
| Resource Link(s): |
|
Charter:
Sciant presentes et futuri quod ego Johannes de Camera dedi concessi et hac presenti carta mea confirmavi deo et beate Marie et beato Jacobo et elemosinarie Rading pro salute anime mee et pro animabus omnium antecessorum et successorum meorum in liberam puram et perpetuam elemosinam illas ii solidatas annui redditus in perpetuum percipiendas de Johanne Ring et Alicia uxore sua et de heredibus ipsius Alicie videlicet sororis mee ad sustentationem pauperum Christi per manus elemosinarie abbatie Rading quos quidem ii solidos dicti J[ohannes et Alicia] uxor eius mihi aliquando reddere solebant videlicet ad Annuntiationem xii denarios et ad festum sancti Michaelis xii denarios de uno mesuagio in Rading[ia] cum pertinentiis in viculo qui est ex opposito beate Marie in parte occidentali versus Lortemere quod iacet inter terram Thome de Hanl[eia] et terram Danielis Wlvesege Et ad huius rei perpetuam securitatem presentem cartam sigilli mei appositione roboravi Hiis testibus [Hugone de Ivinton tunc camerario Radyng et aliis]