Charter Document - 02560884
| Charter Number: | 02560884 |
|---|---|
| Cartulary Title: | Reading Abbey Cartularies |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1200 - 1230 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus de Wokynge consensu et bono favore Alicie uxoris mee et heredum meorum dedi et concessi et hac presenti carta mea confirmavi Rogero Goldea de Oxonia pro homagio suo et servitio suo terram meam cum quodam mesuagio et omnibus pertinentiis suis in Radyng[ie] in boreali parte magni vici ex opposito domus venalis que vocatur Bredhous quam adquisivi de proprio questu meo proximam inter domum Rad[ulf]i de Woghenerse et terram quam cepi in liberum maritagium cum uxore mea Alicia predicta Tenend[am] et habend[am] de me et heredibus meis sibi et heredibus suis iure et hereditarie bene et in pace libere et quiete ab omni servitio et ab omni consuetudine et omni demanda reddendo annuatim michi et heredibus meis decem solidos ad quatuor terminos anni quocumque casu vel taillag[io] contingente scilicet ad festum sancti Michaelis triginta denarios et ad Natale domini triginta denarios et ad festum sancte Marie in Marcio triginta denarios et ad Nativitatem sancti Iohannis Baptiste triginta denarios Et si contingat quod Alicia predicta mulier prefati Roberti fraude vel ingenio vel aliqua suggestione post decessum viri sui Roberti predicti ius aliquod in dterra predicta clamaverit unde nocumentum emergat predicto Rogero vel heredibus suis vel perdere debeant predictam terram Alicia illa predicta recompensabit totum custum predicti Rogeri de predicto tenemento rationabiliter et plenaria vel heredes si idem clamare voluerint per visum fidelium virorum qui melius veritatem sciant Pro hac autem donatione et concessione dedit mihi predictus Rogerus unam marcam argenti in introitu et de recognitione Et ego et heredes mei warantizabimus predictam terram predicto Rogero et heredibus suis contra omnes [homines] et omnes feminas Ut hoc sit [ratum] et stabile gin perpetuum sigilli mei appositione corroboravi Hiis testibus Hugone Maycent Ricardo Bullok Rogero vinit[ario] Turgis Thoma de Henl[eia] Herberto mercatore Rogero Brutun Osberto Wlveseye Gilberto Fachel et multis aliis