Charter Document - 02560839
| Charter Number: | 02560839 |
|---|---|
| Cartulary Title: | Reading Abbey Cartularies |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1186 - 1213 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit H divina miseratione Radyng[ensis] monasterii minister humilis et totus eiusdem loci conventus salutem in domino Noverit universitas vestra nos divini amoris intuitu concessisse et dedisse Benedicto de Eboraco in puram et perpetuam elemosinam vicariam ecclesie sancte Marie de Radyng[ie] cum omnibus pertinentiis suis exceptis decimis de blado de pisis et fabis et agnis salva etiam nobis debita et antiqua pensione sexaginta solidorum ad hos terminos solvendorum scilicet ad festum sancti Michaelis xv solidos ad Natale domini xv solidos ad Pascha domini xv solidos ad Nativitatem sancti Iohannis Baptiste xv solidos Et ut hec nostra concessio ac [donatio rata sit et stabilis nec] posterius aliquando possit in dubium revocari presentem paginam sigillorum nostrorum appositione confirmavimus Hiis testibus domino Adam priore Radyng[ensi] et Symone subpriore et magistro Daniel et Hugone de Mortemeri Willelmo capellano de Colleia Daniele Scoto et multis aliis