Charter Document - 02560816
| Charter Number: | 02560816 |
|---|---|
| Cartulary Title: | Reading Abbey Cartularies |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1216 - 1224 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis presens scriptum inspecturis Symon dei gratia abbas Rading[ensis] et eiusdem loci conventus salutem Noverit universitas vestra controversiam motam inter nos ex una parte et abbatem et conventum de Pratellis et G[ervasium]a de Newebir[ia] clericum ex altera super ecclesia de Newebir[ia] abbati et priori de Waverleg et de Syreburn priori iudicibus a domino papa delegatis commissam auctoritate eorundem iudicum de consensu partium et consilio iurisperitorum sub hac forma pacis quievisse Videlicet quod cum abbas et conventus de Pratellis in iudicium tracti per litteras domini pape per procuratores tam ad litigandum quam ad componendum constitutos in maiori ecclesia de Winton[ia] in iudicio coram predictis iudicibus comparuissent et G[ervasius] pro se personaliter compareret et idem convenirentur auctoritate litterarum domini pape super ecclesia de Newbir[ia] quam sitam esse dicebamus infra limites parochia de Tacheham et ob hoc ad ecclesiam de Tacham pertinere unde tam ipsos abbatem et conventum de Pratellis quam G[ervasium] clericum ab ecclesia de Neubir[ia] intendebamus amovere tandem post multas allegationes et exceptiones hinc inde propositas communi assensu coram iudicibus nostris et iurisperitis eis assidentibus amicabiliter provisum est iuramento ab utraque parte interposito ad formam pacis fideliter observandam quod ecclesia de Tacham percipiet singulis annis duos solidos de ecclesia de Neubir[ia] sicut antea percipere consuevit Abbas preterea et conventus de Pratellis singulis annis de bonis suis pro bono pacis persolvent iiii solidos et octo denarios abbati et conventui de Rading[ia] infra oct[abas] sancti Michaelis sine aliqua difficultate vel cavillatione que possit provenire de solucione vel termino solucionis predictorum denariorum sub obligatione eiusdem iuramenti Nos autem ipsos tam de nobis quam adversus clericos residuas portiones possidentes si quas possederint in ecclesia de Tacham conservabimus indemnes sub forma predicta Et ut hec compositio perpetua et stabilis permaneat in posterum eam sigillorum nostrorum appositione roboramus Hiis testibus [Gaufredo archidiacono Berkesir magistro Roberto de Bingh[am] Roberto de Tacheham clerico Thoma de Henleg Johanne filio Hugonis et multis aliis]