Charter Document - 02560790

Rex vicecomiti Berk[esire] salutem Precipimus tibi quod venire facias corum justic[iariis] nostris apud Westm[onasterium] in crastino Purificationis beate Marie xii juratores de consensu partium electos ad recognoscendum super sacramentum suum si Th[omas] Ferling teneat xl acras terre cum pertinentiis in Hanred in vilenagio de abbate de Rading[ia] ita quod idem Th[omas] semper solebat reddere eidem abbati et predecessoribus suis pro predicta terra xxxv solidos per annum scilicet medietatem ad festum sancti Michaelis et alteram medietatem ad Pascha et similiter invenire eidem abbati totam familiam suam excepta uxore sua ad tres bedripas in autumno ad cibum abbatis et similiter invenire eidem abbati duos homines triturantes blada ipsius abbatis per duos dies ad custum suum proprium et similiter dare merchettum pro filiabus et sororibus suis maritandis et facere eidem abbati auxilium pro voluntate ipsius abbatis sicut idem abbas dicit vel si idem Th[omas] teneat predictas xl acras terre de predicto abbate libere per servitium xl denariorum per annum absque omni villano servitio inde faciendo sicut idem Th[omas] dicit quia tam predictus Th[omas] quam predictus abbas inter quos inde contentio est posuerunt se inde in inquisitionem illam Postea ad diem illum venerunt iurati qui dicunt super sacramentum quod predictus Th[omas] toto tempore suo tenuit predictas xl acras terre simul cum aliis terris de predicto abbate et predecessoribuse suis per servitium reddendi ei xxxv solidos per annum scilicet ad duos terminos prenominatos et postea facere solebat predicto abbati et successoribus suis omnes alias villanas consuetudines sicut predictus abbas ab eo exigit Ideo consideratum est quod de cetero faciat predicto abbati predictum annuum redditum et predictas villanas consuetudines et sit in misericordia pro falso clamore