Charter Document - 02560785
| Charter Number: | 02560785 |
|---|---|
| Cartulary Title: | Reading Abbey Cartularies |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1216 - 1227 |
| Date type: | Assigned |
| Resource Link(s): |
|
Charter:
[U]niversis sancte matris ecclesie filiis presens scriptum visuris T[homas] prior de Walingeforde et eiusdem loci conventus unanimis deternam in domino salutem Ad notitiam vestram volumus pervenire quod cum per literas venerabilis patris Honorii summi pontificis novissemus litem Roberto de Taccheham qui gerebat se pro rectore ecclesie de Taccheaham super decimis de dominico de Estgeyng que site sunt infra limites parrochie ecclesie nostre de Henred et abbas et conventus de Rading[ia] opposuissent se nobis adversarios eo quod tam ipsi quam ecclesia sua de Taccheham fuissent in pacifica possessione dictarum decimarum per longissimum tempus etiam per tantum tempus cuius non extat memoria lis demum de consensu abbatis et conventus de Sancto Albano hoc fine conquievit coram abbate de Waltham et de Walth[am] et de Cathale prioribus iudicibus a domino papa delegatis Videlicet quod dicti abbas et conventus de Rading[ia] consensu dicti Roberti concesserunt nobis dictas decimas petitas tenendas ad perpetuam firmam reddendo inde annuatim ecclesie de Rading[ia] nomine firme viginti quinque solidos sterlingorum ad duos terminos anni scilicet ad festum sancti Michaelis duodecim solidos et sex denarios et ad Annunt[iationem] beate Marie duodecim solidos et sex denarios Nos quidem obligavimus nos quod fideliter et sine dolo solvemus perpetuo d[ictos vi]ginti quinque solidos dictis abbati et conventui de Rading[ia] ad terminos statutos apud Rading[iam] sub pena dimidie marce [ei]s solvende ad quemlibet terminum si forte ad aliquem terminum cessaverimus a solutione dicte pecunie Et si per triennium cessaverimus a solutione dicte firme concessimus quod liceat abbati et conventui de Rading[ia] libere et sine omni contradictione ingredi possessionem dictarum decimarum et ipsas in manus suas retinere donec predictis abbati et monachis tam de pena quam de pecunia satisfecerimus Ut autem suprascripta maiorem firmitatem obtineant sigilla abbatis de Sancto Albano et conventus de Walingeford huic scripto sunt apposita