Charter Document - 02560771
| Charter Number: | 02560771 |
|---|---|
| Cartulary Title: | Reading Abbey Cartularies |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1123 |
| Date type: | Assigned |
| Resource Link(s): |
British Library - Egerton MS 3031 (f47r,p97) |
Charter:
Reverendo domino et patria R[ogerio] Saresb[uriensi] episcopo gratia dei strenuo regni Angl[ie] provisori frater Rog[erius] abbas Sancti Michaelis de periculo maris et conventus fratrum eiusdem loci devotum cum oratione servitium Ecclesias de Chealseia et de Wellegrava quas in episcopatu vestro habuimus pro salute domini nostri regis H[enrici] concedimus et donamus in elemosinam fratribus in monasterio Radingensi deo servientibus et per vos tanquam per episcopum eas Radingensi ecclesie iure donari deposcimus Ecclesias itaque supradictas cum decimis et terris et omnibus ad ipsas more antiquo pertinentibus date et confirmate Radingensi ecclesie vobis a deo commisse Precamur insuper ut xii libratas terre quas dominus noster rex Henricus in Buddeleia donavit nobis vestra liberalitate assignari nostre ecclesie citius faciatis Valete