Charter Document - 02560696
| Charter Number: | 02560696 |
|---|---|
| Cartulary Title: | Reading Abbey Cartularies |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1191 - 1193 |
| Date type: | Assigned |
| Resource Link(s): |
|
Charter:
Universis sancte matris ecclesie filiis et cetera officiales domini H[uberti] Sar[esburiensis] episcopi salutem Noverit universitas vestra quod cum controversia verteretur inter dominum abbatem et conventum Rading[enses] et B[artholomeum] capellanum de Burgh[ildebiria] super ecclesia eiusdem ville predictus B[artholomeus] omni iuri quod in predicta ecclesia habere videbatur renuntians eandem ecclesiam in manus nostras resignavit Moti autem misericordia predictus abbas et conventus eandem ecclesiam predicto B[artholomeo] caritatis intuitu contulerunt retenta capella G[ilberti] Martel cum omni iure suo scilicet decimis dominii sui et hominum suorum et obventionibus et eundem B[artholomeum] ad prefatam ecclesiam nobis presentaverunt Nos autem ad eorum presentationem sepe dictum B[artholomeum] ad prenominatam ecclesiam admisimus et personam instituimus retenta predicta capella cum omni iure suo prenominato ad usus hospitalis Rading[ensis] Reddet autem prefatus B[artholomeus] prefato abbati et conventui annuatim xxx solidos nomine pensionis Ne autem in posterum valeat hec donatio infringi sigillo domini Sar[esburiensis] episcopi eam communimus Hiis testibus []