Charter Document - 02560695
| Charter Number: | 02560695 |
|---|---|
| Cartulary Title: | Reading Abbey Cartularies |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1191 - 1193 |
| Date type: | Assigned |
| Resource Link(s): |
British Library - Egerton MS 3031 (f72r,p147) |
Charter:
Universis Christi fidelibus ad quos presens scriptum pervenerit officiales domini H[uberti] Sar[esburiensis] episcopi eternam in domino salutem Noverit universitas vestra causam que vertebatur inter H[ugonem] abbatem Rading[ensem] et monachos eiusdem loci et Bartholomeum capellanum de Burkilleber[ia]d super ecclesia eiusdem ville hoc fine quievisse Quod videlicet prefatus B[artholomeus] prefatam ecclesiam in manus nostras coram iudicibus delegatis ex toto resignavit Prefatus autem abbas Rading[ensis] consentiente conventu ad petitionem nostram et predictorum iudicum et domini comitis Moret[onii] et propter antiquam educationem prefati B[artholomei] in domo Rading[ensi] ei prenominatam ecclesiam salva antiqua pensione divine pietatis intuitu contulit retenta sibi capella G[ilberti] Martel cum omnibus decimationibus tam maioribus quam minoribus et omnibus obventionibus de dominio predicti G[ilberti]e et de tota terra rusticorum quas prefatus B[artholomeus] in presentia iudicum et nostra ex integro abiuravit Dedit autem prefatus abbas de consensu totius capituli prefatam capellam cum omnibus predictis decimationibus et obventionibus hospitali pauperum extra portam in perpetuam elemosinam Ut autem predicta compositio et preassignata eiusdem capelle memorato hospitali a sepe dicto abbate facta donatio perpetuam teneat firmitatem eas presentis scripti testimonio et sigilli domini H[uberti] Sar[esburiensis] episcopi appositione corroboravimus