Charter Document - 02560694

Universis Christi fidelibus ad quos presens scriptum pervenerit H[ugo] de Abbend[onia] et W[illelmus] de Thame dei gratia abbates et R[adulfus] prior de Hurl[eia] eternam in Christo salutem Noverit universitas vestra causam que vertebatur inter H[ugonem] abbatem Rading[ensem] et monachos eiusdem loci et Bartholomeum capellanum de Burkilleb[er] super ecclesia eiusdem ville nobis a domino papa commissam hoc fine quievisse Quod videlicet prefatus B[artholomeus] prefatam ecclesiam in manus officialium in presentia nostra ex toto resignavit Prefatus autem abbas Rading[ensis] consentiente conventu ad petitionem nostram et domini comitis Moret[onii] et propter pristinam educationem prefati B[artholomei] in domo Rading[ensi] ei prenominatam ecclesiam salva antiqua pensione divini amoris intuitu in puram ac perpetuam concessit elemosinam retenta sibi capella G[ilberti] Martel cum omnibus decimationibus tam maioribus quam minoribus et omnibus obventionibus de dominio ipsius et de tota terra rusticorum quas prefatus B[artholomeus] in audientia nostra ex integro abiuravit Dedit autem prefatus abbas de consensu totius capituli prefatam capellam cum omnibus predictis decimationibus et obventionibus hospitali pauperum extra portam abbatie in perpetuam elemosinam Ut autem predicta compositio et preassignata predictis capelle memorato hospitali a sepe dicto abbate facta donatio perpetuam teneat firmitatem eas presentis scripti testimonio et sigillorum nostrorum appositione auctoritate qua functi sumus apostolica corroboravimus in eos sententiam excommunicationis inferentes quicumque predictam compositionem vel prefatam donationem infringere presumpserint Fautoribus autem et protectoribus earum apostolicam largimur benedictionem