Charter Document - 02560663
| Charter Number: | 02560663 |
|---|---|
| Cartulary Title: | Reading Abbey Cartularies |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1200 - 1210 |
| Date type: | Assigned |
| Resource Link(s): |
British Library - Egerton MS 3031 (f99r,p201) |
Charter:
Sciant presentes et futuri quod ego Ricardus de Canvill[a] et Eustach[ia] uxor mea concessimus et presenti carta nostra confirmavimus abbati et monachis de Rading[ia] concessionem quam eis fecit Gilbertus Basseth in pratis in pascuis apud Herdintun[e] videlicet totum dominicum pratum nostrum in eadem villa quod duobus locis continetur et appellatur Langedale tenendum de nobis et heredibus nostris ad firmam perpetuam reddendo inde annuatim nobis et heredibus nostris viginti solidos ad festum sancti Iohannis Baptiste pro omni servitio terreno Concessimus etiam prefatis abbati et monachis ut habeant per prenominatum redditum viginti iiii boves cum dominicis bobus nostris in omnibus pratis nostris et in omnibus pratis ubicumque communem pasturam habemus vel habere debemus in boreali plaga de Herditun[e] a die quo totum fenum nostrum dominicum asportatum fuerit vel secundum oportunitatem temporis asportari poterit usque in diem quo prata ponantur in defensum Ita ut in quacumque pratorum ex illa parte de Herditun[e] communi pastura poterimus warantizare boves nostros warantizabimus boves abbatis et monachorum de Rading[ia] Quod si abbas et monachi de Rading[ia] viginti quatuor boves in prenominata pastura vel habere noluerint vel non potuerint habeant in eadem totidem averia eadem libertate qua et boves eis habere concessimus Ut igitur de hac nostra concessione de nobis et heredibus nostris firmam et perpetuam habeant securitatem et warantum eam sigillorum nostrorum impressione confirmavimus Hiis testibus Roberto de Sanford Iohanne filio Hugonis Galfrido de Turberevile Ricardo clerico de Ledecumbe et multis aliis