Charter Document - 02560662
| Charter Number: | 02560662 |
|---|---|
| Cartulary Title: | Reading Abbey Cartularies |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1193 - 1205 |
| Date type: | Assigned |
| Resource Link(s): |
British Library - Egerton MS 3031 (f95r,p193) |
Charter:
Sciant presentes et futuri quod ego Gilebertus Basset dedi et concessi pro amore dei et pro salute anime mee et anime patris mei et anime matris mee et Thome filii mei et omnium antecessorum meorum et successorum abbati et monachis de Rading[ia] totum dominicum pratum meum apud Herdetune quod duobus locis continetur et appellatur Lankedale tenendum de me et heredibus meis ad firmam perpetuam reddendo annuatim mihi et heredibus meis xx solidos ad festum sancti Iohannis Baptiste pro omni servitio terreno Concessi etiam prefato abbati et monachis ut habeant per prenominatum redditum xxiiii boves cum dominicis bobus meis in omnibus pratis meis et in omnibus pratis ubicumque communem pasturam habeo vel habere debeo in boreali plaga de Herdetune a die quo totum fenum meum dominicum asportatum fuerit vel secundum oportunitatem temporis asportari poterit usque in diem quo prata ponantur in defensum Ita ut in quacumque pratorum ex illa parte de Herdetune communi pastura potero warantizare boves meos warantizabunt boves abbatis et monachorum de Rading[ia] Quod si abbas et monachi de Rading[ia] xxiiii boves in prenominata pastura vel habere noluerint vel non potuerint habeant in eadem totidem averia eadem libertate qua et boves eis habere concessi Ut igitur de hac mea donatione et concessione de me et heredibus meis firmam et perpetuam habeant securitatem et warantum eam sigilli mei impressione confirmavi Pro hac itaque concessione dederunt mihi prefatus abbas et monachi xv marchas argenti Hiis testibus Roberto de Sanfort Iohanne filio Hugonis Galf[redo] de Turbevile Ricardo clerico de Ledec[um]b Osb[erto] Turpin Andrea Basset Reginaldo filio Helie de Ledec[um]b Ricardo Franceis de Henrede Waltero de grava Ilg[ero] de Chausi Nicolao filio Petri Huberto de Anreda et multis aliis