Charter Document - 02520532
| Charter Number: | 02520532 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | German |
| Charter Origin: | Lay |
| Charter Type(s): | Confirmation |
| Date: | 1349 |
| Date type: | Internal, A.D., Feast |
| Resource Link(s): |
Monasterium.net |
Charter:
Ich Ch[vnrad] von Chefienperch vnd mein hausf[raw] vnd all mein erben vnd all mein pruder wir verjehen fur vns vnd fur all vnser erben offenb[ar] an disem prief vnd tun chunt allen den di in ansehent oder hornt lesen daz wir nichtz ze reden noch ze sprechen haben auf daz gut ze Reicherswancha denn pavmanns recht die weil wiers von meins herren genaden ze pavmanns recht gehaben mugen Daz in daz also stet vnd [vn]zeprochen von vns weleib dar vber geben wir im disen offen prief versigelten vnter vnsers lieben herren hern Fridreichs von Torring aigen anhangundem insigel daz er durich vnserr pet willen an den prief gelet hat im selber vnd allen sein erben an allen schaden dar vnder wir vns verpinten mit vnseren trewn alz daz stet ze laysten vnd ze volfuren daz oben an dem prief geschriben stet Der prief ist geben do mon zalt von Christ purt drewtzehen hundert jar vnd dar nach in dem nevn vnd vierzigistem jar an dem prehen tag