Charter Document - 02520527

Wir Margret von gotes genaden Romischev kayserinn enbieten vnsern kastnern ze Oting vnd in dem Weilhart die ietzunt sind oder furbaz werdent vnser huld vnd alles gut Vns habent ze wizzen getan die geistleichen lawt abbt Vlr[eich] vnd daz conuentt dez gotshaus ze Raitenhaslach daz ir in den zehenden den ir in ab vnsern kasten in dem Weilhart vnd ze Otting geben sullet nicht als furderlichen vnd hilf leichen antwurtt vnd gebet als in notdurft ist wellen vnd gebiten ew vestichleich vnd ernstleichen bey vnsern hulden daz ir si furbaz mit dem selben zehenden furdert vnd nicht irret vnuerzogenleichen richtet vnd weret dez wellen wir nicht enbern Ze vrchund dises briefs der geben ist ze Munichen an vnser frawn tag als si geborn wart nach Christes geburtt drevtzehen hundert jar vnd in dem aecht vnd viertzigstem jar