Charter Document - 02520525
| Charter Number: | 02520525 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | German |
| Charter Origin: | Royal |
| Charter Type(s): | Decree |
| Date: | 1347 |
| Date type: | Internal, Regnal, Feast |
| Resource Link(s): |
Monasterium.net |
Charter:
Wir Ludowig von gottes genaden Romischer kaiser ze allen ziten merer des richs enb[iete]n vnserm forstmaister vber den Wilhart der ietz ist oder der hernach wirt vnsern lieben getriwen vnser hulde vnd alles gut Wir wellen vnd gebiten ivch vesteclichen vnd ernstlichen daz ir vnser lieb demutig den [] abte vnd daz conuente des gotzhus ze Raitenhaselach lazzent furen vnd nemen als vil wintuelliges vnd ligendes holtzes vs dem obgenanten Wilhart als si in irem closter bedurffent ze brennen vnd wellen nicht daz ir si daran hindern noch irrent mit dhainen sachen als lieb ivch vnser hulde sint Der brief ist geben ze Munchen des phintztages nach Vrbani in dem driv vnd drizzigstem jare vnsers richs vnd in dem zwaintzigstem des kaisertuomes