Charter Document - 02520518

Wir Ludowig von gotes genaden Romischer keiser ze allen zeiten merer dez reichs enb[iete]n vnserm mauttner ze Schardingen vnser huld vnd alles gut Vns hat kunt getan [] der abbt von Raitenhaslach vnser lieber diemutiger daz sein diener siben vas wins von Osterreich her auf gefurt haben vnd daz du si vmb die mautt bechumert habst als verre das si di mautt verborgen musten Heizzen wir dich ernstlichen vnd wellen es auch das du si der selben porgschaft vnuerzogenlichen ledig vnd los lazzest vnd si darvmb furbaz nihtz beswarest wan wir in die genad die si von vns vnd vnsern vordem habent niht vberuarn wellen Geben ze Munchen an eritag nach der osterwochen in dem einen vnd dreizzigsten jar vnsers reichs vnd in dem ahtzehenden des keisertums