Charter Document - 02520505

Wir Ludowig Von gots genaden Romischer keiser ze allen ziten merer des riches enb[iete]n [] vnsern vitztuemen [] richtern vnd gemeinlichen allen vnsern amptluen in Beyern die iezu sind oder furbas werdent vnser huld vnd alles gut Wir lazzen ivch wizzen daz wir vnser lieb diemutig [] den abbt vnd [] conuent ze Raytenhaselach in vnsern besundern schirm vnd genad genomen haben also daz wir in alle die hantfest die si von vns oder vnsern vordem oder von der herschaft ze Beyern habent si sein vber gericht oder vber ander sache bestatt habn vnd bestaten in die mit disem brief Vnd da von welln vnd gebiten wir iv allen vnd iglichem besunder vesticlichen vnd ernstlichen bei vnsern hulden daz ir in die selben brief vnd genad die wir oder vnser vordem in getan haben stat haltend vnd in die niht vberuart noch si mit dheinen sachen dar an irrent noch beswarnt als ir vnser vngenad vermeiden wellet Ze vrchund diss briefs der geben ist ze Burchausen an vnserer frawn abent als si geborn wart nach Krists geburt driuzehenhundert jar vnd in dem zweivndvierzigistem jar in dem achtvndzweinzigstem jar vnsers richs vnd in dem fumfzehenden des keisertums