Charter Document - 02520500
| Charter Number: | 02520500 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | German |
| Charter Origin: | Lay |
| Charter Type(s): | Confirmation |
| Date: | 1341 |
| Date type: | Internal, A.D., Feast |
| Resource Link(s): |
Monasterium.net |
Charter:
Ich Eberhart von Harschirrichen vergich vnd tun chunt offenbar mit disem brif allen den di in ansehent oder horent lesen daz ich chvndlich beweist bin von meinem herren abt Vlr[eich] vnd der sammung ze Rattenhazlach daz mein vetter her Heinr[eich] vnd mein vater her Eberhart dem got gnad vnd ander vnser voderern den zehent des torffes ze Hartpollen irs gotzhauzz leuiten verlihen habent dem gotzhauzz ewichlichen ze behaltten vnd ze tragen an schaden Heinr[eich] dem Chirichperger etwenn irem prost ze Zeidlaren vnd Chunr[at] irem prost ze Oberhouen Heinr[eich] des chlosters sneider Vlr[eich] von Halspach des apttes choch Also verpind ich auch mich vnd alle mein eriben dem vorgenanten gotzhauzz ze Rattenhaslach alles daz statt ze haben vnd ze behaltten mit allen punten vnd gelubden als ier hantfest sagent di si von meinen voruoderern habent Daz in daz also statt gantz vnd vntzebrochen peleib von mir vnd von meinen eriben dar vber gib ich dem vorgenanten gotzhaus ze Rattenhazlach disen brief versigelt mit meinem aigen anehangvnden insigel Der prif ist geben do man zalt von Christes gepurt dreutzehen hvndert jar in dem ains vnd virtzigisten jar an sand Johans tag ze svnbentten