Charter Document - 02520482
| Charter Number: | 02520482 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | German |
| Charter Origin: | Lay |
| Charter Type(s): | Grant |
| Date: | 1332 |
| Date type: | Internal, Feast |
| Resource Link(s): |
Monasterium.net |
Charter:
Ich Hainr[ich] der Snitzer von Purchausen vergich vnd tun chunt an disem prief offenbar daz ich vnser vrowen vnd dem gotshaus ze Raitenhaslach han gegebn durh meiner lieben hausfraun Elzbeten der got genade sei willen ze rehtem selgret ein aigen ze Perchaim in dem dorffe in Julbacher geriht daz ich gechauffet han mit guter gewizzen vmb mein vnd meiner vorgenanten hausfraun gut vnd gilt daz obengenant aigen ain halbes pfunt Regen[spurger] pfennig da sol man der sammunge ze Raitenhaslach alle jar ewichlich zwai mol gut vische von geben daz ain an sant Marci tag daz ander des nechsten tages nach vnser vrawn tag in der vasten so wirt meiner vorgenanten hausfraun jartag Daz di sache also stet beleib dar vber gib ich disen prief ze ainem ewigen vrchunde mit meinem insigel Der ist gegebn millesimo CCCXXXII an sant Lucie tag