Charter Document - 02520478

Wir Ott von gotes gnaden hertzog ze Osterr[eich] vnd ze Styr enb[ieten] vnsern getriwen [] dem richter [] dem rat vnd den burgern gemainleich ze Chrems vnd ze Stain vnser gnad vnd allez gut Wan wir den erbern geistleichen levten [] dem abbt vnd dem conuent von Raitenhaslah daz phunt phennig daz si dits jares geben solten von irem hous ze Chrems alz ir iz an si vordret abgenomen haben wan si ez ze recht nicht geben sullen als evr selbers brief sagent di si von ev habent do von gebiten wir ev vesticbleich bi vnsern hulden daz ir si dar vmb nicht benotet vnd si bi der alten gewonhait an der stevwer beleiben lazzet vnd si dar vber nicht treibet des wellen wir nicht enberen Der brief ist geben ze Wienn an mentag in der osterwochen