Charter Document - 02520477

Nos Ott dei gracia dux Austrie et Styrie dominus Carniole Marchie ac Portusnaonis ad universorum noticiam volumus pervenire quod cum religiosi viri abbas et conventus monasterii in Raitenhasla ordinis Cisterciensis super quadam domo sua in Chremsa dicta in dem Chyel et Leitchaufschelr occasione stevre quam cives nostri Chremsenses ab eisdem immoderacius exigebant se gravatos irrationabiliter conquerantur volentes sibi pressuras huiusmodi temperare ne ulterius eos fatigari contingat preter debitum racionis ipsis presentibus indulgemus ad instar domini Fridrici quondam Romanorum regis domini et fratris nostri karissimi colende memorie de gracia speciali quod iidem fratres de domo predicta quamdiu in potestate ipsorum fuerit et in eo quo nunc est statu permanserit in conbusta singulis annis unam tantum libram denariorum Wiennensium memoratis civibus stevre nomine persolvere teneantur ad ulteriorem stevram seu exactionem nullatenus conpellendi Ceterum memoratis fratribus ob divine remuneracionis intuitum specialiter duximus indulgendum ut in domo sua predicta duodecim ternarios vini culture ipsorum ipsis liceat annis singulis propinare Obinde volentes ac districte omnibus officialibus qui pro tempore fuerint et loci predicti nostris civibus precipientes ne ipsos in huiusmodi propinacione aliquo modo aggravent vel perturbent In quorum testimonium sigillum nostrum presentibus est appensum Dat Wienn anno domini millesimo trecentesimo tricesimo primo octavo kal apprilis