Charter Document - 02520461
| Charter Number: | 02520461 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | German |
| Charter Origin: | Religious |
| Charter Type(s): | Complaint |
| Date: | 1326 |
| Date type: | Internal, A.D., Feast |
| Resource Link(s): |
Monasterium.net |
Charter:
Wir Friderich von gotes gnaden ertzbischol ze Salzburch legat des stuls ze Rom verjehen offenbar an disem brief vnd tun chunt allen den di in sehent eder horent lesen daz vns der abt von Raitenhaslach ermonet hat mit guter chuntschaft daz daz raut daz geheizzen ist Maierseben in der Gaizzow ze vnrecht ist geslagen vnd ist ouch emolen von vnsern vorvaren da ab genommen Do von haben wir ez ouch nu ab genomen vnd verjehen daz ez furbaz nieman sol rauten noch powen Dar vber geben wir disen brief versigelten mit vnserm anhangenden insigel Der ist geben ze Salzburch an sand Johannis vnd sand Pauls tag do von Christes geburd waren dreuzehen hundert jar darnach in dem sechs vnd zwaintzkisten jar