Charter Document - 02520423
| Charter Number: | 02520423 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | German |
| Charter Origin: | Lay |
| Charter Type(s): | Surrender |
| Date: | 1316 |
| Date type: | Internal, A.D., Feast |
| Resource Link(s): |
Monasterium.net |
Charter:
Ich Hainrich von Hag vergich offenlichen vnt tun chunt allen den di disen prief lesent oder horent lesen daz ich allen den chrieg oder ansprach den ich het oder macht gehaben er wer recht oder vnrecht hintz dem gotzhaus von Raitenhaslach vmb dev hveb datz Haunolting fur mich selben vnt fur all mein nachchom ledichlichen vnt gentzlichen han aufgegeben zv einem rechten selgeret Vnt daz daz dem erwerigen abt Ilsungen vnt dem vorgenantem gotzhaus ze Raitenhaslach vnzeprochen beleib gib ich in zv einem vrchunt disen prief versigelt mit minem insigel Dez sint zeug bruder Hilprant bruder Ott der Sachs bruder Wachsmut der chelner Ortlieb min bruder Fridrich der Darm Ch[unrat] der Titler vnd ander pider leut genuch Der prief ist gegeben da von Christ purt waren vergangen tausent jar drev hvndert jar dar nach in dem sehzehent jar dez nechsten tags nach sunibenten