Charter Document - 02520405
| Charter Number: | 02520405 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1313 |
| Date type: | Internal, A.D., Feast |
| Resource Link(s): |
Monasterium.net |
Charter:
Ludwicus dei gracia comes palatinus Reni dux Bawarie tutor patruorum suorum karissimorum Heinrici Ottonis et Heinrici ducum Bawarie illustrium universis suis ac patruorum suorum predictorum nobilibus iudicibus officiatis ceterisque servitoribus quibuscumque graciam suam et omne bonum Cupientes per ampliora promocionis subsidia Christi ministris oblata ordines ecclesiasticos nostris temporibus sublimare omnes gracias libertates et privilegia monasterio in Raytenhaslach [] abbati et conventui ibidem per patruos nostros karissimos felicis recordacionis Ottonem inclitum regem Vngarie comitem palatinum Reni ducem Bawarie Stephanum fratrem eius ac progenitores eorumdem concessa hactenus quomodo libet et indulta nomine tutorio confirmamus et auctoritate presencium approbamus vobis universis ac singulis mandantes firmiter et districte ne predictum monasterium [] abbatem et conventum in ipsorum bonis et hominibus contra predictas libertates privilegia et gracias turbare aut molestare in aliquo presumatis eisdem aliquas iniurias gravamina seu molestias contra iusticiam irrogando sed pocius concessas ipsis gracias privilegia et libertates quas inviolabiliter volumus et precipimus observari diligencius attendentes ipsos et quelibet ipsorum bona et homines a quorumlibet insultibus studeatis defendere pro viribus et tueri singulare nobis in hoc obsequium exhibendo Datum in Pravnowe anno domini millesimo trecentesimo tercio decimo proxima die dominica post diem beati Nicolai