Charter Document - 02520394
| Charter Number: | 02520394 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | German |
| Charter Origin: | Lay |
| Charter Type(s): | Protection |
| Date: | 1312 |
| Date type: | Assigned |
| Resource Link(s): |
Monasterium.net |
Charter:
Wir Johannes vnd Leutolt von Chunring wir chunden offenbar allen edeln liuten dienst herren rittern vnde chnechten dar zu allen den die den brif ansehent daz wir alle die guter des gotshaus von Rotenhaslech die inn Ybs vnd ouch dem pache ze Erlas vnd in dem lande ze Osterich wa siw gelegen sind daz wir dew gute ellew in vnser phlege vnd scherm haben als siw vns vnser vodern vntz her lazzen habent Dar um bit wir iw alle vnd ouch besunder daz yemand vns durich vnsers dienstes willen an den selben gutern des vorgenanten gotshaus icht besware nach laidige Wer dar uber vns an des egenanten gotshaus gutern icht schaden eder beswerunge ertzaiget des wir nicht getrawen der wizze daz er vns mer beswert denne ob wir an vnserm aigen gute wurden geschedigt eder von im gelaidigt