Charter Document - 02520363
| Charter Number: | 02520363 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | German |
| Charter Origin: | Lay |
| Charter Type(s): | Grant |
| Date: | 1304 |
| Date type: | Internal, A.D., Feast |
| Resource Link(s): |
Monasterium.net |
Charter:
Ich Reicher vitztum von der [Rot] vergih offenbar vnd tun chunt allen den die disen pref lesent oder horent lesen daz ich vnd mein hausfrauw Diemut durih got vnd durih vnser frauwen willen vnd ze hilf vnd ze trost aller vnser voruodern sel willen vnd ze vodrist durih vnser paider hail vnd seld haben geben vnsers vrein vnd ledigs aigen vnser hub datz Stuzing ze ewigem selgret vnser frauwen vnd gotzhaus ze Raitenhaslach vnd auh ze einem widerwehsel der echer da der capeln datz der Heiligenstat ein tail ist aufgepaun die dez gotzhaus waren ze Raitenhaslach vnd da von haben wir daz gotzhaus ze Raitenhaslach gesetz in nutz vnd in die gwere der selben hub mit allem dem das da zu gehort besuechtz vnd vnbesuechst swie iz genant ist ze einem rehten selgret Vnd da vber daz der wider wehsel vnd daz selgret ewichleich stet beleih vnd vnzeprochen peleib so han ich disen prief geben vnd versigelt mit meinem insigel ze einem waren vrchunt Der sache sint gezeug her Ch[unrat] der Trenbech Ortneit der Tuntz Frid[reich] der Sigenhaimer her Hainr[eich] der Harskiricher Wernhart der Visler Wolfel von Geinchouen Ditmar der Runtinger Marchart der Morholtinger Woelfel der Leubel vnd ander erwerig gezeug Der prief ist geben datz Messing dez jarez do von Christz geburt waren dreuzehen hundert jar vnd in dem vierden jar dar nah an sant Marteins tach