Charter Document - 02520358

Ich Hainreich von Ror tun chunt allen den di disen brief hornt oder lesent vnt vergih daz her Eberhart der Chalp den hof ze Winpozzing der mein reht aigen gewesen ist von mir ze rehtem lehen hat gehabt vn[t den] selben hof gesetzt het seinem geswein Sigharten von Aich zv seiner swester vroen Alhaiden Der selb Sigh[art von] Aich hat mit seiner vorgenanten hausfrawen vroen Alhaiden willen vnt auh mit ir bruder dez vorgenanten [hern Ebe]rharts willen vnt aller seiner frewnt verhegnus den ober genanten hof ze Winpozzing ze chauffen geben [dem erwerig]en abbt Vlreichen vnt seinem chloster hintze Raitenhaslach mit allem dem daz dar zv gehort gentzleichei v[nt vreileich] versuht [vnt vnv]ersuht vmb ahtzehen phunt Regensburger Vnt han ich Hainreich von Ror di [selben aigensch]aft auf ge[selt vn]t geben dem vorgenanten erwerigen abbt Vlreichein vnt dem gotshaus ze Rait[enhaslach durch] got vnt [durch] vnser fravwen willen mit meiner hausfravwen vroen Margareten gutem willen zv [einem selgret vn]ser baider vnt auh aller vnser vorvordern sei hail vnt pin dez selben hofs ir gewer als ich ze reht schol [Dar vmb] auh daz ich daz getan han so hat her Chaliho von Aihe vnt sein svn Sighart mir aufgeben ein pessarn hof [ze Ekcher]ting der ir reht aigen gewesen ist vnt habent den ze rehtem lehem von mir enphangen Vnt dar vmb [daz dem o]fft vorgenanten gotshaus Raiten[haslach] von mir noch von dehainem meinem frevnt dehain chrieg oder ansprach [mvg auf] gesten gib ich in disen brief verinsigelten mit meinem insigel Der sahhe sint zevgh bruder Ilsung der prior bruder Ch[unrat] der chelner bruder Gebhart der Chalp bruder Wahsmut bruder Vlr[eich] der Reffs her Fridr[eich] von Pravnaw her Chaloh von Aihe her Hainr[eich] von Pahhen Albpreht dez Rorers chelner Ermreich H[ainreich] der Zaglawer vnt ander bider levt mer Diser prief ist geben do von Christes burt waren tausent drew hvndert jar dar nah in dem vierden jar an sanct Jacobs tag datze Purchusen