Charter Document - 02520345
| Charter Number: | 02520345 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Permission |
| Date: | 1304 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Rudolfus dei gracia dux Austrie et Styrie dominus Carniole Marchie ac Portusnaonis ad universorum volumus noticiam pervenire quod cum strennuus vir Ludowicus dictus Grans annuos quinque lib[rarum] redditus pro religiosis viris [] abbate et conventu monasterii Reytenhaslach in terris nostris Austrie pro suo et suorum salutari remedio animarum propriis sumptibus comparare proposuerit et donare nos divino intuitu et eiusdem Gransonis precibus inclinati sibi presentibus indulgemus ut eosdem quinque librarum redditus in omnibus locis Austrie preter quam Chremse et circa Chremsam dictis fratribus elemosinarum intuitu valeat comparare statuto nostro quo cavetur ne religiosi de novo possessiones huiusmodi sibi attrahere seu comparare presumant aliquatenus non obstante In quorum testimonium sigillum nostrum duximus hiis litteris appendendum Datum Lintze anno domini millesimo tricentesimo quarto III non marcii