Charter Document - 02520342
| Charter Number: | 02520342 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1303 |
| Date type: | Internal, A.D., Feast |
| Resource Link(s): |
Monasterium.net |
Charter:
Rvdolfus dei gracia dux Austrie et Stirie dominus Carn[yole] March[ye] ac Portusnaonis universis fidelibus ad quos presentes pervenerint in perpetuum Quia periculosum est privilegia monasteriorum per terras deducere et singulorum auribus incultare propter quod ne religiosi viri abbas et conventus monasterii in Raytinhasla ordinis Cysterciensis Salzburgensis dyoecesis sua privilegia a nostris predecessoribus indulta et a nobis postmodum confirmata cuilibet officiali ostendere cogantur graciam ipsis factam et quendam articulum in fine privilegii positum nostra interpretacione ad cautelam declarare volumus in hunc modum videlicet quod iidem abbas et conventus in aliis que preter duo talenta salium maioris ligaminis ipsis sine muta indultorum in aquis deduxerint civium nostrorum Staynensium in aquis laborancium fruantur ammodo iuribus et equali gaudeant libertate ad ulteriores mutas seu exactiones nullatenus conpellendi Nulli ergo hominum hanc nostre declaracionis paginam infringere liceat aut sibi ausu temerario contraire Quod qui secus attemptaverit nostre indignationis offensam se procul dubio noverit incurrisse In cuius rei testimonium sigillum nostrum presentibus est appensum Dat Wienn anno domini millesimo trecentesimo tercio in die beatorum Symonis et Iude apostolorum