Charter Document - 02520333
| Charter Number: | 02520333 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | German |
| Charter Origin: | Lay |
| Charter Type(s): | Grant |
| Date: | 1303 |
| Date type: | Internal, A.D., Feast |
| Resource Link(s): |
Monasterium.net |
Charter:
Wir Leutold von Chunring verjehen offenbar vnd tun chundt allen den dy disen brief lesendt oder horendt daz wir durch got vnd vnser vodren sei willen haben geben vnser freis aigen dacz Wadling vnser frawn vnd dem goczhaus ze Raytenh[aslach] ze einem rechten selgeradt vnd haben iz aufgesalt aller dingen vreileichen vnd ledichleichen Vnd daz der rat also sey haben wir disen brief geben dem goczhaus ze Raytenh[aslach] versigelten mit vnsern hangenden insigel ze einem waren vrchund dez selben selgracz Dez sind geczeug her Alber von Chunring her Hadmar von Chunring her Chunradt von Potendorf her Ornold von Tobran her Ornolt von Praunstal Ornold Heunel her Hilprant her Ainweich bruder vnd munich ze Raytenh[aslach] vnd ander zeug genueg Der brief ist geben dacz Tirnstain mit gutem willen vnd gewizzen fraun Agnesen vnser hausfrawn vnd vnser sun Jannsen vnd Hadmars dez jars do von Christus gepurd waren dreuczehen hundert jar vnd in dem dritten jar dar nach an sand Matheis tag