Charter Document - 02520331
| Charter Number: | 02520331 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1302 |
| Date type: | Internal, A.D. |
| Resource Link(s): |
Monasterium.net |
Charter:
Nos Chunr[adus] dei gracia sancte Salzburgensis ecclesie archiepiscopus a[postolice] s[edis] l[egatus] recognoscimus per presentes quod facta in manibus nostris per Vlricum dictum Tanner civem nostrum de Muldorf nomine suo Diemudis uxoris sue ac heredum ipsorum resignacione voluntaria trium curiarum in Polling et cessione libera iuris proprietatis si quod eis competiit vel videbatur competere quomodo libet in eisdem ipsas curias unam videlicet in qua residet mayr Scher alteram prope pontem in medio ville Polling et terciam quam colit Wolfherus cum omnibus suis pertinenciis cultis et incultis quesitis et inquirendis Tannerio et uxori sue predictis ac heredibus eorundem contulimus titulo feudali In cuius rei testimonium presentes litteras dedimus sigilli nostri robore communitas Dat in Raitenhaslah anno domini MCCC secundo IIII idus aprilis