Charter Document - 02520310
| Charter Number: | 02520310 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1298 |
| Date type: | Internal, A.D., Feast |
| Resource Link(s): |
Monasterium.net |
Charter:
In dei filio reverendo patri et dominorum omnium speciali domino Friderico venerabili abbati de Raitenh[aslach] totique conventui ibidem ordinis Cysterciensis Herwurgis permissione divina abbatissa monasterii in Chymse totumque collegium sanctimonialium ibidem cum orationibus devotis celestis regis obtinere graciam in presenti et gloriam in futuro Cum odor bone fame ordinis vestri atque domus corda multorum maxime tamen nostra sua fraglancia suavissima reficiat et confortet utpote redolens apotheka et ex hoc desiderio hominis utriusque desideremus vos adtrahere nostre consorcio fraternitatis in participationem omnium bonorum que nobiscum operari dignabitur clemencia salvatoris vos recipimus in vita vestra pariter et in morte taliter ut quicquid boni in monasterio nostro fecerimus perpetuo sitis participes et consortes Et ut huiusmodi dulcedo mutue karitatis inter nos et vos divinitus iam contracta fideliter perseveret vobis com promittimus quod quando alicuius persone vestre obitus nostro fuerit capitulo nunciatus ipsi unaque que nostrarum ex integro psalterium solvere teneatur In cuius sancte confederationis perpetuum firmanentum vobis presentes litteras dedimus sigillorum nostrorum karacteribus consignatas Act et dat anno domini millesimo ducentesimo nonagesimo octavo in festo sanctissime trinitatis