Charter Document - 02520305

Ich Liehart von alten Muldorf dvn chvnt allen den di disen prief ansehent oder horent lesent daz ich durch got vnd durch miner hausfrawen sei willen vern Gedrauten mit ir gutem willen han gegeben minev lehen datz Chvnohing ainz vnder der aiche vnd ein anders bi dem pach ze rehtem selgrait daz ain mit salmanshant daz da haizzet pei dem pach daz ander freilich ze selgrait Vnd hat der abt vnd daz goteshaus ze Raitenhalach mir vnd miner hausfrawen ver Gedrauten habent gegeben den nvtz auf dem gut ze Ahaim versuht vnd vnversuht mit stipft vnd mit allem dem nvtze der auf dem gut gesin mak vntz an vnser beider tode Swann awer wir pediv niht ein sin ich Liehart vnd min hausfrawe ver Getraut so gehort daz vorgenant gut vnversprochenlichen vnd ledichlichen an daz goteshaus ze Raitenhaslach Dez sint gezevge her Hainr[ich] der pfarrer von Reischach Sigginner Friderich marstaller Ruger der scherg Hainr[ich] der Gall Peter ein burger von der stat Rvger von Rainpoltzhaimer Hainr[ich] von Reipfolosperge Eberl von Mvldorf Gerunch Hainr[ich] de Hard Ch[vnrad] von Holtzhaussen der Talhaimer von Oberhofen Diser brif ist gegeben da von vnsers hern burt waren tausent jar zwai hvnder jar fumf vnd nevenzistgem jar an sand Medarden tak