Charter Document - 02520297
| Charter Number: | 02520297 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1294 |
| Date type: | Internal, A.D., Calendar |
| Resource Link(s): |
Monasterium.net |
Charter:
Wernh[ardus] dei gracia ecclesie Pat[auiensis] episcopus Omnibus Christi fidelibus salutem in domino sempiternam Cum reverendus in Christo pater dominus Lauendinensis episcopus in octavis pentecosten in Raitenhaslach capellam supra portam eiusdem monasterii de novo consecrare et ecclesiam sancti Petri in Schoenperch et beati Nycolay in Obernhoven intendat per reconciliacionis graciam reformare omnibus vere penitentibus et confessis qui prefatas ecclesias die consecracionis supradicta necnon in anniversario dedicacionis ecclesiarum supradictarum causa devocionis accesserint XL dies criminalium et centum venialium misericorditer in domino relaxamus dummodo reverendus in Christo pater dominus Chvnr[adus] sancte Salzburgensis ecclesie archyepiscopus a[postolice] s[edis] l[egatus] suam ad hoc prebuerit voluntatem concedentes nichilominus omnibus Christi fidelibus per nostram dyocesim constitutis cum die consecracionis et reconciliacionis ecclesiarum prefatarum reconciliacio fieri debeat penitentum ut ibidem domino concedente prenominatam graciam asequantur Dat Wienne anno domini MCC nonagesimo quarto XI kalen iunii