Charter Document - 02520296

Ich Alhait von Tann vergihe vnd [tun] chvnt allen den di disen [brief] ansehent oder horent lesen daz ich dvrch got vnd dvrch vnser frowen willen vnd dvrch miner sel hail vnd aller miner vorfodern sel selicheit min mvl dacz Schozpach gar vnd gentzlich mit allem dem datz dar zv gehort versvht vnd vnversvht han gegeben vnser frowen vnd dem goteshvs datz Raitenhaslach ze rehtem selgret mit mines hertzenliebes wirtes willen vnd gvnst hern Ekkarten von Tann Vnd datz ditz selgret stet vnd vest beleih han ich dem gotzhavs von Raitenhaslach vnd der samnvng da selben gegeben disen brief versigelt mit mines hertzenlieben wirtes des vorgenanten hern Ekkharten von Tann insigel Des sint gezivch min wirt her Ekkart von Tann her Chvnrat der pharrer von Mvldorf sin geselle her Vlreich her Hartman von Holtzhavsen Levtwin der schvlmaister Engelbreht von Sikking Liebhart der Tegen Rapot der Lvkch Chvnrat vnd Hainr[eich] die Gallen Rvdolf Gvtevrede vnd ander erwerig levt Der brief ist gegeben des jares da von vnsers herren gewrt waren tavsent jar zwai hvndert jar vnd in dem vier vnd newntzigistem jar