Charter Document - 02520288
| Charter Number: | 02520288 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1291 |
| Date type: | Internal, A.D., Feast |
| Resource Link(s): |
Monasterium.net |
Charter:
Ego Rugerus iudex in Chrems presentis scripti testimonio profiteor et protestor cupiens ad singulorum tam presentium quam futurorum noticiam pervenire quod Mukkelo iudeus et Sternlinna iudea in Chrems pro duobus talentis denariorum Wiennensium cesserunt omni iuri quod eisdem in vinea dicta Jvdenpiunt competere videbatur resignantes eandem vineam in mei presentia domino Al[berto] procuratori dominorum de Raitenhaslach et prehonesto conventui ibidem perpetuo pacifice possidendam In cuius rei testimonium evidens et cautelam memorato conventui presentes litteras obtuli sigilli mei robore diligentius communitas nominibus testium appositis que sunt ista Wigmannus officialis sub vineis Sifridus Heinricus Gerstenenses fratres Hermannus Heinricus notarius Chunr[adus] cellerarius Wernhardus posterior iudex Hein[ricus] Chvnlonis filius Heinr[icus] filius Pilgriminne Smoiel magister iudeorum Ysaac Ioselo Sluemlo iunior iudei Chremenses Datum anno domini millesimo ducentesimo nonagesimo primo in die sancti Iacobi