Charter Document - 02520272
| Charter Number: | 02520272 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1288 |
| Date type: | Internal, A.D., Calendar |
| Resource Link(s): |
Monasterium.net |
Charter:
Fridericus dei gracia decanus Salzburgensis iudex a reverendo domino R[udolfo] archiepiscopo Salzburgensi deputatus dilecto in Christo plebano in Obing salutem in domino Cum Bernardum et Chunradum de Pfaffing in causa que inter eos ex parte una et viros honorabiles abbatem et conventum de Raittenhas[lach] ex altera vertitur duobus terminis peremptoriis citaverimus coram nobis nec ipsi per se vel responsalem idoneum comparere curaverint eorum exigente contumatia ipsos in scriptis excommunicationis sententia innodandos et ne unde ferre debent dispendium videantur commodum reportare dictos abbatem et conventum in possessionem rerum petitarum causa custodie duximus immittendos Ideo discretioni tue precipimus firmiter et districte quatenus dictos B[ernardum] et Ch[unradum] fratres de Pfaffing singulis diebus dominicis et festivis in vestra plebe et alias ubique expedire videritis tamdiu excommunicatos publice nuncietis quousque nostris et ecclesie obedire mandatis venerint seu parere Dat Salz[burge] anno MCCLXXXVIII xvi cal novembr