Charter Document - 02520269
| Charter Number: | 02520269 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1288 |
| Date type: | Internal, A.D., Feast |
| Resource Link(s): |
Monasterium.net |
Charter:
Hainricus dei gracia prepositus et archydiaconus Saltzburgensis Fridericus decanus totumque capitulum eiusdem ecclesie Fridericus Chyemensis Marquardus Bovmburgensis et Chvnradus Garzensis prepositi et archydiaconi dilectis in Christo fratribus decanis plebanis vicariis universis per archydiaconatus prescriptos constitutis salutem et in domino karitatem Discrecioni vestre presentibus intimamus nos originale cuius rescriptum huic nostre littere inseruimus vidisse ac etiam contrectasse salvum nulla sui parte viciatum cum bulla et filo omnibusque munimentis per que caveri poterat ecclesie Raitenhaslah cui idem autenticum a sede apostolica est indultum cuius tenor hic est Fraternitati itaque vestre in virtute sancte obedientie precipimus firmiter et districte quatinus si quando requisiti fueritis a fratribus monasterii memorati ut auctoritate mandati apostolici iura ipsorum defendere debeatis mandatum apostolicum studeatis exequi reverenter alioquin eos qui in executione mandati papalis et nostri fuerint negligentes censura debita percellamus Datum anno domini MCCLXXXVIII indictione I in die beati Iohannis baptiste