Charter Document - 02520259
| Charter Number: | 02520259 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1286 |
| Date type: | Internal, A.D. |
| Resource Link(s): |
Monasterium.net |
Charter:
Cunctis Christi fidelibus hoc scriptum intuentibus liquefiat quod ego Chuno de Wald donavi domino Chvnrado venerabili abbati ac ecclesie ipsius in Raitenhaslach duas hubas meas in Zeidlarn cum advocacia que specialiter ad me respiciebat et omnibus aliis sibi attinentibus silvis pratis pascuis agris et aliis quocumque vel qualicumque nomine censeantur excepto quodam parvo foresto quod iam dudum exclusum a predictis hubis pater meus felicis memorie pro castro suo sibi specialiter reservavit pro XL libris Salzburgensium et uno vase scilicet dimidia carrata boni vini et duobus modus siliginis preter alias minucias constituens me tutorem fidelem ex Corde et ore quod vulgariter dicitur gwer contra omnem inpeticionem cuiuslibet persone in quocumque casu vel causa cautelam sive caucionem predicte ecclesie superhabundantem compromittens et quamcumque viam resignacionis infeodacionis vel cautele amplioris a me dictus venerandus abbas ac conventus ipsius vel successores ipsorum requisierint hanc fideliter porrigere et sine contradiccione qualibet adinplere me promitto Nimirum ipsius sepefate ecclesie homines racione conservandi predictas hvbas sollempniter et fideliter infeodavi quorum nomina in presenti subnotamus scilicet Fridericum Crispisteter Chvononem de Stadel Volricum coqum domini abbatis Heinricum Vtichinger Wernherum de Aich Wern[herum] Spilmaninger Ottonem Strezen Rvopertum tunc servum hospitum Chvonradum den Greiner Ortolfum den Hueself Chvonradum den Wagner Wolfhardum carpentarium Bertoldum den Knvezzelg Heinricum de Schvestel Dietmarum coqum Cupiens vero hec rata et inconvulsa permanere eidem monasterio in Reitenhaslach tradidi presentem litteram sigilli mei munimine roboratam Huius rei testes sunt dominus Vlricus prior frater Wernhardus custos dominus Chvnradus in Schuphingen tunc vicarius et canonicus Oetingensis frater Hiltprandus suprior frater Heinricus infirmarius frater Libhardus magister hospitum frater Bozanus cantor frater Fridericus subcellerarius laici vero Heinricus de Hvob et filius eiusdem Libhardus Vlricus de Talhaim Fridericus Crispisteter Chvono de Stadel Vlricus coqus domini abbatis Wernherus de Aich Heinricus Vetinchinger et universi eiusdem hvbis infeodati qui sunt superius nominati Datum et actum in Raitenhaslach anno domini MCCLXXXVI tercio idus octobr indiccione XIIII