Charter Document - 02520255
| Charter Number: | 02520255 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1285 |
| Date type: | Internal, A.D., Feast |
| Resource Link(s): |
Monasterium.net |
Charter:
Ego Kristanus de Tetlhaim presentis scripti testimonio profiteor et constare cupio cunctis Christi fidelibus presentem paginam inspecturis quod feodum meum in Havnolting cum omnibus suis pertinenciis vendidi proprietatis titulo pro VII libris Oetingensium conventui sancte Marie in Raitenhaslach constituens me tutorem quod vulgariter gwer dicitur per annos X contra omnem hominem hoc predium inpetentem In cuius rei testimonium et cautelam ipsi ecclesie hanc literam tradidi sigilli mei robore communitam Huius testes sunt Wern[hardus] tunc prior et Hilbrandus subprior frater Zacharias dominus Ortlibus de Walde Pernhardus de Phefing Chunradus Streler Tuniger Chrotentaler Ermricus Siboto Zinko H[einricus] Zinko cives Purchausenses F[ridericus] Kriespelsteter Vlricus Ortlibus Dietmarus Hegler Eberlinus sagitarius et alii quam plures Dat anno verbi incarnati MCCLXXXV die Dominici confessoris