Charter Document - 02520250
| Charter Number: | 02520250 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1284 |
| Date type: | Internal, A.D., Calendar |
| Resource Link(s): |
Monasterium.net |
Charter:
Albertus dei gracia dux Austrie et Styrie dominus Carniole Marchye ac Portusnaonis universis fidelibus in perpetuum Postularunt a nobis humiliter et devote honorabiles et religiosi viri abbas et conventus monasterii in Raitinhasla ordinis Cysterciensis ut quoddam Privilegium nobis exhibitum super quibusdam iuribus et libertatibus suis ab illustre quondam Friderico duce Austrie et Styrie predecessore nostro indultum necnon a serenissimo domino et genitore nostro domino Rudolfo Romanorum rege adiectis quibusdam specialibus graciis approbatum innovare de habundancia nostre munificencie dignaremur cuius tenor per omnia talis erat Igitur nos quos iuste petencium vota pro favore delectat prosequi ipsorum abbatis et conventus supplicibus flexi monitis ut et nos suarum orationum et bonorum operum suffragia participemus cum illis memoratum privilegium cum singulis graciis et libertatibus que continentur in ipso approbandum innovandum prefato monasterio et suo conventui duximus et presentis scripti patrocinio muniendum et ultimum ipsius articulum privilegii tali interpretacione largius declaramus quodc iidem abbas et conventus in aliis que preter duo talenta salium predictorum in aquis duxerint aliorum fidelium nostrorum laborancium in aquis gaudeant iuribus et fruantur Nulli ergo hanc nostre innovacionis paginam infringere liceat vel quomodo libet perturbare Quod qui secus presumpserit attemptare indignacionem incurrisse nostram se noverit et offensam In cuius rei testimonium et cautelam presentes litteras sigilli nostri munimine iussimus roborari Datum Wienne anno domini MCC octogesimo quarto indictione XII kal septembr