Charter Document - 02520248

Nos Wernhardus et Heinricus fratres de Schowenberch omnibus fidelibus salutem in perpetuum Plenam fiduciam in domino habentes si deo devotis ex propria benignitate gratiam facimus unde possint commodius sustentari quod proinde divina clementia clementius nostrum statum stabiliat et in futuro felicitatis nobis bravium condonetur hinc est quod odoris bone fame allecti dulcedine que de ecclesia in Reitenhasla Cysterciensis ordinis tanquam odor Christi bonus per sacram monastice vite observantiam dulcores diffunditur dicte ecclesie ad peticionem viri religiosi domini Chvnradi tunc abbatis ibidem de gratia concessimus speciali ut singulis annis semel unam navim quantumcumque magnam oneratam salibus quocumque tempore placuerit vel utile visum fuerit et omnia eorum victualia in ascensu de Austria libere ac sine omni exactione mute sive telonei per mutam nostram in Aschach ducere debeant perpetuo in futurum Adicientes etiam ut unam struem que vulgariter dicitur vloze vasis lignis vel edificiis sive aliis quibuslibet utensilibus com portatam singulis annis semel quando ipsis fratribus expedierit libertate supradicta irrefragabiliter transducant perpetuo pleno iure Ut igitur presenti nostre gratie nullus per detentionem extorsionem in predicto loco mute vel pretextu alicuius iuris peticionis vel consuetudinis audeat novercali in signum plene et firme libertatis presens tradidimus instrumentum sigillorum nostrorum munimine roboratum Datum anno domini MCCLXXXII Ambrosii episcopi et confessoria in Reitenhasla Testes autem huius rei sunt Otto de Ror dominus Chvnradus Stal dominus Chvnradus de Furt dominus Lvdwicus Schiuer Rvodolfus Stal Rvodolfus Goder Fridericus notarius Hiltprandus servus Rorarii et alii quam plures