Charter Document - 02520246
| Charter Number: | 02520246 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1283 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Gotefridus dei gracia ecclesie Patauiensis episcopus presentibus profitemur et constare volumus universis quod ob dei reverenciam et ipsius genitricis virginis gloriose dilectis in Christo fratribus abbati et conventui monasterii in Raitenhaseleh Cysterciensis ordinis dyoecesis Salzburgensis graciam a nostris predecessoribus hactenus habitam quorum exempla nos imitari convenit in operibus caritatis favorabiliter recognoscentes duximus indulgendum ut de propriis salibus suis duo talenta maioris ligaminis semel in anno et victualia sua que de reditibus suis in partibus Austriec annuatim habuerint tam in Patauia quam in Obernberge transeant libere sine muta volentes et districte precipientes ne mutarum nostrarum provisores de predictis ratione mute vel alterius exactionis aliquid exigant vel permittant exigi ab eisdem sed ipsos eorumque nuncios ob nostri reverentiam taliter promoveant ut nostra beneficia sibi senciant fructuosa et nos orationum ipsorum et beneficiorum que deo et sanctis eius in eodem monasterio devotione sedula exhibent participes existamus Datum Patauie anno domini millesimo ducentesimo octuagesimo tercio VI kalend octobr