Charter Document - 02520244
| Charter Number: | 02520244 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Promise |
| Date: | 1283 |
| Date type: | Internal, A.D., Calendar |
| Resource Link(s): |
Monasterium.net |
Charter:
Cum more fluentis aque tempora et homines alternationem incessabiliter in hoc mundi tramite patiantur provide consulendum est ut gesta Christi fidelium ydoneis testibus et scripture robore debeant communiri Nos igitur Chvno et Otto fratres dicti de Walde nostro et heredum nostrorum futuro commodo et honori desiderantes remedium comportare presentibus profitemur et patere cupimus universis hanc litteram inspecturis in manus reverendi domini Chvnradi venerabilis abbatis in Raitenhaslach necnon domini Wernhardi prioris ibidem iuramenti posuisse huiusmodi pactionem quod partem nostram castri in Walde cum iudicio curia pratis pascuis et omnibus suis adtinenciis nulli umquam hominum quantacumque pecunie summa mobilium vel immobilium rerum omni tempore vite nostre vendere ulterius aliqualiter adtemptemus set nobis ad invicem sive heredes nostri sibi mutuo hanc venditionis emptionem inviolabiliter obligamus reservare tali condicione inter nos firmissime stabilita ut si secus unus nostrum quod absit facere presumpserit partem eiusdem transgressoris castri iudicii curie atque tocius hereditatis alter cum suis heredibus iure perpetuo possideat exceptione qualibet irrita et frustrata In cuius rei testimonium hanc paginam sigillis venerabilis domini abbatis de Raitenhaslach domini Heinrici de Eissenpueche avunculi nostri Friderici de Pravnovwe fecimus consignari Testes vero huius sunt dominus Berhtoldus de Steten dominus Chvnradus de Talheim dominus Berhtoldus dictus Maewer Heinricus de Hvebe Rudolfus de Talheim Otto de Talheim Dietricus de Aschach Chvnradus de Stadel Liebhardus de Hvebe Perhtoldus Chasten Otto de La Otto de Guffelheim item servi domini abbatis Chvno Vlricus Heinricus dictus Dehser Ghvnradus filius Chrispelsteterii et alii quam plures Acta sunt autem hec anno domini millesimo ducentesimo LXXXII XV kal aprilis