Charter Document - 02520241

Ne invidie veneno vel oblivionis nebula preiudicium ullo tempore ab aliquo paciantur inferius subnotata ego Ortliebus de Walde circa salutem anime proprie necnon uxoris mee domine Sophye motus debito affectu de proprietatis mee patrimonio legavi ecclesie sancte Marie in Raitenhaslach in remedium animarum nostrarum duas curias in Vorstarn tali videlicet devotione ut qualicumque uno ex nobis mortuo statim una predictarum curiarum cum omnibus suis pertinentiis in totalem possessionem redigatur ecclesie memorate alio quoque defuncto prenominata ecclesia curiam alteram possideat libere ac quiete Sciendum etiam quod mater mea nomine Irmgardis hvebam unam in Dorfen legavit similiter ecclesie prefate quam post obitum eiusdem sive ego vel uxor aut heredes mei superstites sint absque omni vexationis impedimento pacifice protinus possidebit Sane insuper memorie commendandum quod ego Ortlibus profiteor quia omnia privilegia per patrem meum et me in presentia illustris domini mei Heinrici ducis Bawarie mediantibus confirmationis sue litteris iamdicte ecclesie data super em unitatibus et iuribus possessionum eiusdem tam acquisitis quam in perpetuum acquirendis in universis iudiciis meis per me necnon omnes meos heredes ratifico et confirmo presentium per tenorem In cuius rei testimonium paginam sigilli mei munimine roboravi Testes vero sunt monachi in Raitenh[aslach] videlicet dominus Wernhardus prior Heinricus maior cellerarius H[einricus] de Geisenvelde frater Berhtoldus de Lauffen Chvnradus subcellerarius item de familia mea dominus Engelbertus de Haldinge dominus Berhtoldus de Steten Otto de Talheim Hadmarus de Talheim cum aliis nostris servi etiam venerabilis domini Ch[vnradi] abbatis in Raitenh[aslach] Fridericus dictus Chrispelsteter Heinricus marischalcus Vlricus cocus Siboto Dehser et frater suus Chvnradus et alii quam plures Datum et actum in Raitenhaslach anno domini millesimo ducentesimo LXXX secundo V kalend augusti